កំពង់ឆ្នាំង ៖ នៅព្រឹកថ្ងៃទី៨ ខែវិច្ឆិកា ឆ្នាំ២០១៩នេះ ឯកឧត្តមឈួរ ច័ន្ទឌឿនអភិបាលខេត្តកំពង់ឆ្នាំង នឹងអញ្ជើញជួបសំណេះសំណាលជាមួយកីឡាក កីឡាការនី ទូកអុំ ទូកចែវ ជាងមួយពាន់នាក់ នៅវត្តកំពង់ត្រឡាចក្រោម មុនពេលចេញដំណើរទៅកាន់រាជធានីភ្នំពេញ។
រដ្ឋបាលខេត្តកំពង់ឆ្នាំងបានឲដឹងថា ឆ្នាំ២០១៩នេះ ខេត្តកំពង់ឆ្នាំង មានទូកចំនួន២៥ ដែលត្រូវទៅចូលរួមអុំ និង ចែវប្រណាំង នៅក្នុងព្រះរាជពិធីបុណ្យអុំទូក បណ្តែតប្រទីប អកអំបុក និង សំពះព្រះខែ នៅរាជធានីភ្នំពេញ ដែលនឹងប្រព្រឹត្តទៅនៅថ្ងៃទី១០ដល់ថ្ងៃទី១២ ខែវិច្ឆិកា ខាងមុខនេះ ។
ទូកចំនួន២៥រួមមានទូកចែវបុរសចំនួន១៣,ទូកចែវនារីចំនួន១,ទូកអុំបុរសខ្នាតអន្តរជាតិចំនួន៩, ទូកអុំបុរសខ្នាតវែងចំនួន១,និង ទូកអុំនារីខ្នាតវែងចំនួន១។ដោយឡែកទូកទាំង២៥នេះ មកពីក្រុង ស្រុកចំនួន៦ និង មាន កីឡាករកីឡាការនីសរុបចំនួន១.៣៦០នាក់ស្រី១៦២នាក់។
បើតាមការឲដឹងពីគណ:កម្មការដឹកនាំទូក របស់ខេត្តកំពង់ឆ្នាំង បានបញ្ជាក់ថាមកដល់នឹងរសៀលថ្ងៃទី៧ វិច្ឆិកានេះ ទូកទៅពីស្រុកកំពង់លែង ស្រុករលាប្អៀរ និង ស្រុកមួយចំនួនទៀត បានធ្វើដំណើរទៅដល់គោលដៅ (វត្តកំពង់ត្រឡាចក្រោម) ជាបណ្តើរហើយ ដើម្បីត្រៀមប្រណាំងសាកកម្លាំងគ្នា និង ទទួលការណែនាំពីឯកឧត្តមអភិបាលខេត្ត មុនពេលចេញដំណើរទៅកាន់រាជធានីភ្នំពេញ ៕ ដោយ៖ហឹង ចូច